ამონარიდები ნეთანიაჰუს სიტყვიდან ბარ ილანის უნივერსიტეტში
Israeli Missions Around The World თბილისი ახალი ამბები ამონარიდები ნეთანიაჰუს სიტყვიდან ბარ ილანის უნივერსიტეტში

ნეთანიაჰუს სიტყვა ბარ ილანის უნივერსიტეტში

  • 10/7/2013
    •    
    პრემიერი ნეთანიაჰუ: "ოთხი წლის წინ აქ ყოფნისას განვაცხადე,  რომ პრობლემის გადაწყვეტა პალესტინის განიარაღება და უსაფრთხოების ხელშეკრულებებია და არა – საერთაშორისო ძალების ჩარევა".
  • icon_zoom.png
    PM Netanyahu speech at Bar Ilan University PM Netanyahu speech at Bar Ilan University : Bar Ilan University webcast
     
     
    ირანი:
    "ირანის მიზანი ახლო აღმოსავლეთის სრული დამორჩილება და ისრაელის სახელმწიფოს განადგურებაა. ეს უბრალო მოსაზრებები არ არის, ეს ირანის ჭეშმარიტი ამოცანაა. ისრაელი და ამერიკის შეერთებული შტატები სრულად თანხმდებიან, ატომური იარაღის შექმნაში ირანისთვის ხელის შეშლა რაოდენ აუცილებელია.
     
    რამოდენიმე დღის წინ ირანის წარმომადგენლებმა გაეროში განაცხადეს, რომ მათი ბირთვული პროგრამა მხოლოდ სამშვიდობო ხასიათისაა. მე არ მჯერა მათი, მაგრამ თუ ვინმეს ეჭვი ეპარება, რომ ირანული რეჟიმი სიმართლეს საუბრობს, ჰკითხეთ მის წარმომადგენლებს, თუ მართლაც მხოლოდ მშვიდობიანი ატომური პროგრამა აქვთ, რატომ ამუშავებენ კვლავინდებურად ცენტრიფუგებს და პლუტონის რეაქტორებს, რომლებიც სამშვიდობო მიზნებისთვის ენერგიის გამოსამუშავებლად სრულებით არ არის საჭირო?"
     
    პალესტინა:
    "ოთხი წლის წინ აქ ყოფნისას განვაცხადე,  რომ პრობლემის გადაწყვეტა პალესტინის განიარაღება და უსაფრთხოების ხელშეკრულებებია და არა – საერთაშორისო ძალების ჩარევა. პალესტინელებმა უნდა აღიარონ ებრაული სახელმწიფო. ჩვენ მზად ვართ მათი სახელმწიფოებრიობის აღიარებისთვის, თუმცა მათ უნდა დაივიწყონ "დაბრუნების უფლებაზე" ოცნება. ჩვენ ვერ მივიღებთ ებრაული სახელმწიფოს აღიარებას, თუ მოგვიანებით მას ლტოლვილების ნაკადი მოადგება კარზე. ისრაელი არის ებრაელი ხალხის სახელწიფო. მშვიდობით ცხოვრება მხოლოდ მას შემდეგ იქნება შესაძლებელი, როდესაც ისინი ამ მიწაზე ცხოვრების ჩვენს უფლებას აღიარებენ".
     
  • <iframe width="640" height="360" src="//www.youtube.com/embed/WqS0gaBleOY" frameborder="0" allowfullscreen></iframe>