პრემიერ მინისტრმა ნეთანიაჰუმ ირანელ ხალხს მიმართა
Israeli Missions Around The World თბილისი ახალი ამბები პრემიერ მინისტრმა ნეთანიაჰუმ ირანელ ხალხს მიმართა

პრემიერ მინისტრმა ნეთანიაჰუმ ირანელ ხალხს მიმართა

  •   ისრაელის პრემიერ მინისტრის პირველი ინტერვიუ სპარსულენოვან მედიასთან
  • 10/4/2013
    •    
    ისრაელის პრემიერ მინისტრმა ბენიამინ ნეთანიაჰუმ ირანელ ხალხს პირდაპირ მიმართა და ხაზგასმით აღნიშნა, რომ მკაცრი სანქციებისა და ირანში შექმნილი მძიმე სოციალური მდგომარეობისთვის პასუხისმგებლობა აიათოლას ექსტრემისტულ რეჟიმს დააკისრა. მან ასევე ხაზი გაუსვა ებრაელ და სპარს ხალხს შორის არსებულ ისტორიულ მეგობრობას.
  • icon_zoom.png
    PM Netanyahu departs for the US PM Netanyahu departs for the US : PMO webcast
     
     
    პრემიერ მინისტრმა ბენიამინ ნეთანიაჰუმ 3 ოქტომბერს პირველი ინტერვიუ მისცა "ბი–ბი–სი"–ს სპარსული სამსახურს, რომელსაც ირანული რეჟიმის მხრიდან ტელევიზიის დაბლოკვის მცდელობების მიუხედავად უამრავი მაყურებელი ჰყავს. "ბი–ბი–სი"–ს მონაცემებით, მათ გადაცემებს ყოველკვირეულად 12 მილიონი ადამიანი უყურებს.
     
    პრემიერ მინისტრმა ნეთანიაჰუმ ინტერვიუს დროს ირანის პრეზიდენტის, ჰასან რუჰანის წიგნი "ეროვნული უსაფრთხოება და ბირთვული დიპლომატია" წარმოადგინა და მაყურებელს ციტატებიც გააცნო, რომლებიც კიდევ ერთხელ ამტკიცებს, რომ რუჰანი დასავლეთის შეცდომაში შეყვანისა და დიპლომატიური გარემოს შექმნის გზით სამხედრო ატომური იარაღის პროგრამის გაგრძელებას აპირებს.
     
    პრემიერ მინისტრმა სპარსულად აღნიშნა, რომ ისრაელი პრეზიდენტი რუჰანის სიტყვებით აღფრთოვანებული არ არის: "ჩვენ  ჩვილი ბავშვები არ ვართ. მე მივესალმები ბირთვული პროგრამის შეჩერებას, თუმცა არა – მოჩვენებით მცდელობას".
     
    პრემიერ მინისტრმა მკაცრი სანქციებისა და ირანში შექმნილი მძიმე სოციალური მდგომარეობისთვის პასუხისმგებლობა აიათოლას ექსტრემისტულ რეჟიმს დააკისრა. მან ასევე ხაზი გაუსვა ებრაელ და სპარს ხალხს შორის არსებულ ისტორიულ მეგობრობას.
    დაბოლოს, ნეთანიაჰუს თქმით, თუ ირანის რეჟიმს ატომური ბომბი ექნება, ირანელი ხალხი ვერასდროს გათავისუფლდება დიქტატურისგან, რომელსაც იგი მუდმივად უნდა ემსახუროს.
    "მე მინახავს ირანელი ხალხის სურვილი, ჰქონდეთ ჭეშმარიტი თავისუფლება და სრულყოფილი ცხოვრება. თუ ახლანდელი რეჟიმი დაემხობა, ირანელები და ებრაელები ისევ მეგობრები იქნებიან", – აღნიშნა ნეთანიაჰუმ.
     
  • <iframe width="480" height="360" src="//www.youtube.com/embed/C0OugEYBY28" frameborder="0" allowfullscreen></iframe>