პრეზიდენტი შიმონ პერესი:
"ჩემი ძვირფასი მეგობარი არიკ შარონი დღეს უკანასკნელ ბრძოლაში დამარცხდა. არიკი გაბედული მეომარი და მამაცი ლიდერი იყო, რომელსაც უყვარდა თავისი ერი და ხალხიც სიყვარულით პასუხობდა. ის ისრაელის ერთ–ერთი უდიდესი დამცველი და ქვეყნის აღორძინებაში დიდი როლი მიუძღვის. იგი უშიშარი იყო და ნამდვილად არ ეშინოდა წინ გახედვის. მას რთული გადაწყვეტილებების მიღება და განხორციელება შეეძლო. ჩვენ ყველას გვიყვარდა იგი და აუცილებლად დაგვაკლდება. ვუსამძიმრებ არიკ შარონის ოჯახს. უფალმა გაანათლოს მისი სული".
ისრაელის პრემიერ მინისტრი ბენიამინ ნეთანიაჰუ:
"ისრაელის სახელმწიფო ქედს იხრის ყოფილი პრემიერ მინისტრის, არიელ შარონის წინაშე. შარონმა მთავარი როლი შეასრულა უსაფრთხოებისათვის ბრძოლაში ისრაელის დამოუკიდებლობის მოპოვების დღიდან მრავალი წლის განმავლობაში. უპირველეს ყოვლისა, იგი გაბედული მეომარი და გამორჩეული გენერალი იყო, რომელიც ისრაელის თავდაცვის ჯარების საუკეთესო მეთაურთა შორის დამსახურებულად იკავებს ადგილს. მცირე ასაკიდან იგი ბრძოლის ველზე ისრაელის ხალხს ემსახურებოდა – დამოუკიდებლობისთვის ომში ჯარისკაცად, 1956 წლის ექვსდღიან ომსა და სუეცის არხის და განსჯის დღის ომებში კი – მეთაურად. მან შექმნა "დანაყოფი 101", რითაც ტერორიზმთან ბრძოლის ინიციატივა აიღო და ისრაელის სახელმწიფოს სტრატეგიული პრინციპი ჩამოაყალიბა. ჯარის დატოვების შემდეგაც ისრაელის კეთილდღეობაზე ზრუნავდა და არერთსახელმწიფო თანამდებობაზე დანიშნულა, მათ შორის, იგი ისრაელის მეთერთმეტე პრემიერ მინისტრი გახდა. მის ხსოვნას ისრაელის ერი ყოველთვის გულით ატარებს".
ისრაელის საგარეო საქმეთა მინისტრი ავიგდორ ლიბერმანი:
"არიელ შარონი ისრაელის სახელმწიფოს შექმნის დღიდან ბოლო მომენტამდე ემსახურებოდა. მას მონაწილეობა მიუღია უმნიშვნელოვანეს მოვლენებში, რომლებმაც ქვეყნის ხასიათი ჩამოაყალიბა. შარონი, უპირველეს ყოვლისა, გამორჩეული მეთაური იყო, რომელმაც გადამწყვეტ ბრძოლებში გამარჯვება მოგვიტანა, მათგან ყველაზე მნიშვნელოვანი მაინც სუეცის არხისა და განსჯის დღის ომებია".