ებრაელები ყოველთვის იერუსალიმზე, ისრაელზე, ისტორიულ სამშობლოში, სიონში დაბრუნებაზე ოცნებობდნენ. სწორედ ესაა სიონიზმის არსი – ეროვნული სახლი ებრაელი ხალხისთვის. ქართველი ებრაელები ამ ისტორიულ პროცესში ყოველთვის უდიდეს როლს ასრულებდნენ, ეს გამოწვეული იყო არა ანტისემიტიზმით ან საქართველოსადმი სიყვარულის ნაკლებობით, არამედ უძველესი ოცნებისკენ – სიონისა და იერუსალიმისკენ მისწრაფებით საბჭოთა კავშირის ურთულეს პერიოდშიც კი.
ჩვენს ოჯახში ხანუქა განსაკუთრებული დღესასწაულია. ჩემი ბებია–ბაბუა აღმოსავლეთ ევროპიდან ისრაელში 1933 წელს ჩავიდნენ. ერთი წლის შემდეგ კი მამაჩემი შეეძინათ – პირმშო, რომელიც ისრაელის მიწაზე ხანუქის დღესასწაულზე დაიბადა. ბავშვს მაკაბელების წინამძღოლის, ებრაელების დამოუკიდებლობისა და თავისუფლებისთვის ჩვენს წელთაღრიცხვამდე მეორე საუკუნეში მებრძოლი მაკაბელების უფროსი ვაჟის პატივსაცემად იეჰუდა დაარქვეს.
ყველას ბედნიერ ხანუქას გისურვებთ!"